Sport vaziri an'anaviy yoga festivalida ishtirok etdi
Bugun, 21 iyun poytaxtimizdagi Mirzo Ulug‘bek nomidagi markaziy xiyobonda 21 iyun — Xalqaro yoga kuni munosabati bilan an'anaviy yoga festivali bo‘lib o‘tdi.
Festivalning ochilish marosimida Sport vaziri Adham Ikramov, Hindistonning O‘zbekistondagi favqulodda va muxtor elchisi Smita Pant xonim, turli tashkilot va korxonalarning xodimlari, yoga markazlari a'zolari, o‘quvchi yoshlar, mahalliy aholi va xorijiy mehmonlar faol ishtirok etdi.
Yildan-yilga an'anaviy tus olayotgan ushbu festival mamlakatimizda 2019 yildan buyon muntazam tashkil etib kelinmoqda. Yogaga qiziqayotganlar soni ortib, ushbu tur sog‘lom turmush tarziga qaratilgan harakat sifatida keng tarqalmoqda.
Ta'kidlash joizki, joriy yil 25–27 aprel kunlari Hindistonning Nyu-Delhi shahrida yoga bo‘yicha ikkinchi Osiyo chempionati bo‘lib o‘tdi. Unda o‘zbekistonlik sportchilar turli yo‘nalishlarda ishtirok etib, jami 26 ta medalga sazovor bo‘lishdi.
