Sport sohasida 2025-yilda amalga oshirilgan ishlar muhokama qilindi
Taqdirlash tadbirlaridan so‘ng viloyat rahbari boshchiligida sport sohasida 2025-yilda amalga oshirilgan ishlar yuzasidan tanqidiy muhokama yig‘ilishi bo‘lib o‘tdi.
Yig‘ilishda bir qator sport maktablarida ishlar to‘g‘ri yo‘lga qo‘yilmaganligi, jumladan olimpiya sport turlari bo‘yicha seleksiya ishlari, mashg‘ulotlar, terma jamoalarga sportchilarni yetkazib berish, nufuzli musobaqalarga iqdidorli yoshlarni tayyorlash ishlari o‘z holiga tashlab qo‘yilganligi alohida taʼkidlandi.
Shuningdek, yaqindagina bo‘lib o‘tgan "Prezident olimpiyadasi" musobaqalarida faqatgina Yengil atletika, Sport kurashlari va Taekvondo WT turlari bo‘yicha yuqori o‘rinlar qo‘lga kiritilganligi, aksincha badiiy gimnastika, stol tennisi, boks, dzyudo kabi sport turlari bo‘yicha erishilgan natijalar mutlaqo qoniqarsiz ekanligi ko‘rsatib o‘tildi.
Yig‘ilish so‘ngida tegishli masʼullarga har bir sport maktablari, trenerlar va sport turlari kesimida ishlarni qaytadan ko‘rib chiqish, trenerlarni muammo va takliflarini o‘rganish, joylarda mashg‘ulotlar sifatini oshirish, ortda qolayotgan sport turlarini rivojlantirish, seleksiya tizimini tubdan o‘zgartirish bo‘yicha vazifa va topshiriqlar belgilab berildi.
