Slalomda eshkak eshish bo‘yicha O‘zbekiston yoshlar terma jamoasi jahon chempionatida ishtirok etish uchun Krakovga yo‘l oldi
Slalomda eshkak eshish bo‘yicha O‘zbekiston yoshlar terma jamoasi jahon chempionatida ishtirok etish uchun Krakovga yo‘l oldi.
2026-yil 30-iyun – 5-iyul kunlari Polshaning Krakov shahrida slalomda eshkak eshish bo‘yicha U18 va U23 yosh toifasidagi sportchilar o‘rtasidagi jahon chempionati bo‘lib o‘tadi.
Nufuzli musobaqa oldidan Xalqaro kanoe federatsiyasi (ICF) tomonidan tashkil etilgan rasmiy xalqaro o‘quv-mashg‘ulot yig‘ini 26-iyun kuni Krakovdagi Kraków-Kolna Canoe Slalom Course majmuasida boshlandi. Ushbu yig‘inda dunyoning iqtidorli yosh sportchilari qatorida O‘zbekiston terma jamoasi a’zolari ham ishtirok etmoqda.
O‘zbekiston terma jamoasi tarkibi:
Asilbek Ernazarov
Daniyar Islomov
Sherzod Kurbanaliyev
Samandar Saydullayev
Ibrohimjon Nosirjonov
Mustafo Matiboyev
Murabbiylar:
Alibek Temirgaliyev
Pavel Smirnov
Jahon chempionatida sportchilarimiz K1, C1 hamda Kayak Cross yo‘nalishlarida yurtimiz sharafini himoya qiladilar.
O‘zbekiston milliy terma jamoasiga omad va zafarlar tilab qolamiz!