Sirdaryoda voleybol sport turi boʻyicha xalqaro darajadagi seminar tashkil etildi
Sirdaryo viloyatida voleybol sporti rivojiga bagʻishlangan oʻquv-seminar boʻlib oʻtdi.
Bu tadbirda xalqaro tajribaga ega mutaxassislar, murabbiylar ishtirok etdi.
Mazkur seminar FIVB (Xalqaro voleybol federatsiyasi) instruktori Moro Branislav, Oʻzbekiston voleybol federatsiyasi raisi oʻrinbosari Jamshid Fayziyev, Sirdaryo viloyati IIB mas'ul xodimi Sherzod Abdukarimov hamda Sirdaryo viloyati sport boshqarmasi hamkorligida tashkil etildi.
Tadbir davomida viloyatdagi voleybol murabbiylari hamda sport mutaxassislari ishtirokida ochiq muloqot oʻtkazildi. Unda voleybol sport turining oʻquv jarayoniga zamonaviy yondashuvlar, xalqaro standartlar asosida mashgʻulotlar tashkil etish, sportchilarni tayyorlash sifati va metodikasini takomillashtirish masalalari muhokama qilindi.
