Sirdaryo viloyatidagi sport maktablarida o‘rganish ishlari olib borildi
Sport vazirligi bo‘lim boshlig‘i Muzaffarxo‘ja Rahmatxo‘jayev Sirdaryo viloyatiga xizmat safari davomida Mirzaobod, Oqoltin tumanlari hamda Guliston shahar sport maktablarida bo‘lib, muassasalarda yaratilgan shart-sharoitlar bilan yaqindan tanishdi.
O'rganish davomida sport maktablari faoliyatini yanada takomillashtirish, sport maktabida olib borilayotgan o‘quv-mashg‘ulot jarayonlari, sportchilarning tayyorgarlik darajasi, moddiy-texnik baza holati, mavjud infratuzilma, sport inshootlari hamda tibbiy xonalar faoliyati atroflicha o'rganildi.
Mas’ullar tomonidan sport maktablari faoliyati samaradorligini har bir yo‘nalish bo‘yicha o‘rganish va ish faoliyatini to‘g‘ri tashkil etish, ularni umumta’lim maktablari bilan uzviy hamkorligini yo‘lga qo‘yish yuzasidan tegishli tavsiya va ko‘rsatmalar berildi.
