Singapur gran-prisi: Tarix va unutilmas g'alabalar
Mavsumning 17-bosqichi — Singapur Gran-prisi Marina Bay Street Circuit shahar trassasida bo‘lib o‘tadi. Projektorlar yorug‘ligi, trassaga yaqin joylashgan to‘siqlar va shahar ko‘chalaridagi keskin kurash ushbu poygani Formula-1 taqvimidagi eng taniqli musobaqalardan biriga aylantirgan.
Ilk Singapur Gran-prisi 2008-yilda o‘tkazilgan bo‘lib, unda Renault jamoasi piloti Fernando Alonso g‘alaba qozongan. 2025-yilda bo‘lib o‘tgan so‘nggi poygada esa Mercedes jamoasi vakili Jorj Rassell g‘olib bo‘lgan.
O‘tgan yillar davomida Singapur Gran-prisi ko‘plab unutilmas voqealarga boy bo‘ldi. Bu yerda pilotning aniqligi va jamoaning strategiyasi alohida ahamiyatga ega — ba’zan poyga taqdirini bitta pit-stop hal qiladi.
2019-yilda aynan shunday voqea yuz bergan. Sebastyan Fettel poygani uchinchi o‘rindan boshlagan, biroq ertaroq amalga oshirilgan pit-stop va yangi shinalardagi tezkor aylana unga jamoadoshi Sharl Leklerdan o‘zib ketish imkonini bergan. Ferrari esa poygani ikki karra g‘alaba bilan yakunlagan.
Fettel uchun ushbu g‘alaba Formula-1 faoliyatidagi 53-g‘alabasi va ayni paytda so‘nggisi bo‘ldi. Bu natija tungi Singapur Gran-prisi tarixida alohida o‘rin egalladi.
