Shuhratbek Abdurahmonov Osiyo Bahodirlar oʻyinlari federatsiyasi prezidenti etib saylandi
Andijon viloyati hokimi Shuhratbek Abdurahmonov Osiyo Bahodirlar oʻyinlari federatsiyasi prezidenti etib saylandi. Bu haqda viloyat hokimligi xabar berdi.
Qayd etilishicha, Xonobod shahrida tashkil etilgan “Etno strongman games” (Bahodirlar oʻyini) boʻyicha jahon kubogi va tosh koʻtarishda jahon chempionati doirasida Osiyo Bahodirlar oʻyinlari va tosh koʻtarish federatsiyasining ta'sis konferensiyasi oʻtkazildi.
Muqaddam Osiyo mintaqasida sportning mazkur yoʻnalishi boʻyicha federatsiya mavjud boʻlmay kelgan. Osiyoning qator davlatlaridagi ushbu sport yoʻnalishi vakillari va sportchilar ishtirok etgan ta'sis konferensiyasida Andijon viloyati hokimi Shuhratbek Abdurahmonov Osiyo Bahodirlar oʻyinlari va tosh koʻtarish federatsiyasining prezidenti etib saylandi.
