Shokhiddin Aliyev: Tojikistonlik sportchini yaxshi taniyman va uning kurash uslubidan xabardor edim
Osiyo chempionatining ikki karra bronza medali sovrindori va Osiyo o‘yinlari medalchisi Shokhiddin Aliyev Vetnamda bo‘lib o‘tgan U-17 yoshgacha bo‘lgan Osiyo chempionati haqida o‘z fikrlari bilan o‘rtoqlashdi.
Shokhiddin Aliyev:
“To‘g‘risini aytsam, musobaqalarning birinchi davra uchrashuvlari men uchun doimo murakkab kechadi. Ayniqsa, raqib hindistonlik sportchi bo‘lsa, bahs yanada qiyinlashadi.
Musobaqa davomida eng og‘ir uchrashuvlarimdan biri koreyalik sportchiga qarshi bo‘ldi. U menga jiddiy qarshilik ko‘rsatdi, biroq Alhamdulillah, bor kuchimni ishga solib, g‘alabaga erishdim.
Tojikistonlik sportchini yaxshi taniyman va uning kurash uslubidan xabardor edim. Bronza medali uchun kechgan bellashuvda g‘alaba qozonishga muvaffaq bo‘ldim.
Endi oldimda yanada mas’uliyatli vazifa turibdi — Jahon chempionatiga puxta va sifatli tayyorgarlik ko‘rish.”
