Shohrux Mamedov Astana Gran-prisi g‘olibi
Bugun Qozog‘istonning Astana shahrida para dzyudo bo‘yicha "2026 IBSA Grand Prix Astana" xalqaro gran-pri musobaqasi start oldi. Ushbu nufuzli musobaqada 24 mamlakatdan jami 140 nafar, xususan, O‘zbekiston terma jamoasi a’zolari ham ishtirok etmoqda.
Musobaqaning ilk kunida vakillarimizdan Shohruh Mamedov hamda Sherzod Namozov shohsupaga ko‘tarildi. Hal qiluvchi bellashuvlarda Mamedov braziliyalik Danilo Silvadan ustun kelgan bo‘lsa, Sherzod Namozovga Qozog‘iston vakili Ibragim Nurmaxanuli bilan bahsda omad yetishmadi.
Erkaklar (J1 klassi, 81 kg):
Shohrux Mamedov (O‘zbekiston)
Danilo Silva (Braziliya)
Magomedzakir Magomedov (Neytral maqomdagi sportchi)
Aleksandr Jujgov (Neytral maqomdagi sportchi).
Erkaklar (J2 klassi, 70 kg):
Ibragim Nurmaxanuli (Qozog‘iston)
Sherzod Namozov (O‘zbekiston)
Iskander Uldanov (Qozog‘iston)
Serxio Ibanes (Ispaniya).
