Shaxmatchilar reytingi yangilandi, beshta o‘zbekistonlik shaxmatchi kuchli yuztalikka kirdi
2025-yil 1-aprel kuni Xalqaro shaxmat federatsiyasi (FIDE) jahon shaxmatchilarining yangi reytingini e’lon qildi. Yangilangan reytingda O‘zbekistonlik besh nafar grossmeyster dunyoning eng kuchli yuz nafar shaxmatchisi safiga qo‘shildi.
O‘zbekistonlik Nodirbek Abdusattorov (2773) 6-o‘rinni egalladi. Reyting peshqadami norvegiyalik Magnus Karlsen (2837) o‘z o‘rnini saqlab qoldi. Shuningdek, besh nafar sportchimiz dunyoning eng kuchli 100 shaxmatchisi ro‘yxatiga kiritildi.
FIDEning 1-aprel holatiga ko‘ra o‘zbekistonlik shaxmatchilar uchun yangilangan reytingi:
6. Nodirbek Abdusattorov (O‘zbekiston, 2773)
30. Javohir Sindarov (O‘zbekiston, 2706)
46. Rustam Qosimjonov (O‘zbekiston, 2678)
61. Nodirbek Yoqubboyev (O‘zbekiston, 2665)
81. Shamsiddin Vohidov (O‘zbekiston, 2648).
