Shaxmat. Yoshlarimiz Serbiyada 7ta medalni qo’lga kiritdi
Serbiya davlatida “FIDE World School Chess Championships 2025” musobaqasi bo’lib o’tdi. Yoshlar o’rtasidagi ushbu Jahon chempionatida shaxmatchilarimiz ham ishtirok etib, yurtimiz shanini munosib himoya qila olishdi.
Sayyoramizning 43 davlatidan 470 nafar aql dona egalari qatnashgan ushbu nufuzli turnirda O’zbekiston shaxmatchilari 3ta oltin, 2ta kumush va 2ta bronza medallarini qo’lga kiritishdi. Vakillarimiz umumjamoa hisobida oltin medallarni jamg’arish bo’yicha 2-o’rinni egalladilar.
Oltin medal sohiblari:
Imomkuzieva Nilufarxon (U15) – 7 ochko
Begmuratova Sarvinoz (U13) – 7.5 ochko
Nematillaxonov Nurmuhammad (U9) – 7.5 ochko
Kumush medal sohiblari:
Obidov Biloliddin (U13) – 7 ochko
Azamxo‘jaeva Mohinur (U7) – 7 ochko
Bronza medal sohiblari:
Asadova Madinabonu (U9) – 7.5 ochko
Elmirzaev Xondamir (U17) – 6.5 ochko