Shaxmat. Taylanddagi o‘quv-yig‘in mashg‘ulotlariga start berildi
O‘zbekiston ayollar terma jamoasi Tayland davlatida tashkil etilayotgan o‘quv-yig‘in mashg‘ulotlarini boshladi.
Mashg‘ulotlar 21–28-yanvar kunlari bo‘lib o‘tadi va unda ayollar terma jamoasining asosiy (birinchi) tarkibi ishtirok etmoqda.
O‘quv-yig‘inlarda qatnashayotgan shaxmatchilar:
• Khamdamova Afruza — WGM (2403)
• Tokhirjonova Gulrukhbegim — IM (2363)
• Omonova Umida — WIM (2334)
• Karimova Guldona — WIM (2323)
• Khalilova Madinabonu — WCM (2287)
Ushbu mashg‘ulotlar jamoaning jismoniy texnik va taktik tayyorgarligini yanada kuchaytirish, xalqaro tajribani oshirish hamda navbatdagi nufuzli musobaqalarga puxta hozirlik ko‘rish maqsadida tashkil etilgan.
O‘quv-yig‘in mashg‘ulotlari tajribali mutaxassis — grossmeyster Ruslan Sherbakov boshchiligida olib borilmoqda.
