Shaxmat. Saidakbar Saydaliyev “Budapest Spring Festival 2026” turnirida 2-o‘rinni egalladi
27-fevral – 7-mart kunlari Vengriya poytaxti Budapesht shahrida nufuzli “Budapest Spring Festival 2026” xalqaro shaxmat turniri bo‘lib o‘tdi.
Musobaqada 34 davlatdan 187 nafar shaxmatchi qatnashdi.
O‘zbekiston nomidan ishtirok etgan Saidakbar Saydaliyev “A” guruhida muvaffaqiyatli ishtirok etib, 7 ochko bilan 2-o‘rinni egalladi va 1700 AQSh dollari miqdoridagi mukofotga sazovor bo‘ldi. Shuningdek, u o‘z reytingini +29,3 ga oshirdi.
Turnirda qatnashgan boshqa yurtdoshlarimiz natijalari:
“A” guruhi
• Xumoyun Begmuratov — 6 ochko, 11-o‘rin (+14,2 reyting)
• Abdimallik Abdisalimov — 5 ochko, 26-o‘rin
• Muhammadali Abdurahmonov — 5 ochko, 39-o‘rin
• Ortiq Nigmatov — 1 ochko, 102-o‘rin
“B” guruhi
• Behruz Umarov — 7 ochko bilan 4-o‘rin (+26,8 reyting)
Budapeshtdagi turnir o‘zbekistonlik shaxmatchilar uchun yana bir muvaffaqiyatli xalqaro musobaqalardan biri bo‘ldi.
