Shaxmat. Oʻzbekiston chempionati finalchilari ma'lum boʻldi
Oʻzbekiston shaxmat chempionatining Yuqori liga yarim final bosqichi yakunlandi. Erkaklar oʻrtasidagi musobaqada final ostonasida iqtidorli shaxmatchi Muhammadzohid Suyarov toʻxtatildi. U avvalroq sensatsion tarzda grossmeyster Shamsiddin Vohidovni magʻlub etgan edi. Yarim finalda Suyarov Artёk Nigmatovga 0,5:1,5 hisobida yutqazdi. Ikkinchi yarim finalda Nodirbek Yakubboev Mukhiddin Madaminovni xuddi shunday hisobda — 1,5:0,5 — magʻlub etib, finalga yoʻl oldi.
Ayollar oʻrtasida tajribali Nodira Nodirjonova oʻsmirlar oʻrtasida ikki karra jahon chempioni Afruz Hamdamovaga qarshi kuchli oʻyin namoyish etib, raqibaning yuqori reytingiga qaramay, 1,5:0,5 hisobida gʻalaba qozondi. Finalda u Umida Omonovaga qarshi bellashadi. Omonova keskin kurashda Maryona Malikovani 3:1 hisobida magʻlub etdi. Asosiy bosqich durang bilan yakunlangan boʻlsa-da, tay-brekdagi ikki partiyada Omonovagina gʻalaba qozondi.
Final va uchinchi oʻrin uchun uchrashuvlar 26 aprel kuni, mahalliy vaqt bilan soat 14:00 da boʻlib oʻtadi.