Shaxmat. Nomzodlar turniri juftliklari ma’lum bo’ldi
Nomzodlar turniri juftliklari ma’lum bo’ldi
Ishtirokchilar start raqamlarini quyidagicha oldi:
Javohir Sindarov, Matias Blyubaum, Praggnanandhaa R, Fabiano Karuana, Hikaru Nakamura, Anish Giri, Vey I, Andrey Yesipenko.
Turnir formati qanday?
Nomzodlar turniri 8 nafar shaxmatchi ishtirokida aylanma (round-robin) tizimida o‘tkaziladi. Ya’ni, har bir ishtirokchi boshqalar bilan ikki martadan — bir marta oq, bir marta qora donalarda — o‘ynaydi. Jami 14 tur bo‘ladi. Eng ko‘p ball to‘plagan shaxmatchi jahon chempioni — Gukesh bilan match o‘ynash huquqini qo‘lga kiritadi.
1-tur juftliklari:
• Sindarov — Yesipenko
• Blyubaum — Vey I
• Pragg — Giri
• Karuana — Nakamura
Ammo ma’lumki, Nomzodlar turnirida oxirgi tur hal qiluvchi bo‘ladi.
So‘nggi tur juftliklari esa quyidagicha:
• Yesipenko — Karuana
• Pragg — Nakamura
• Blyubaum — Giri
• Sindarov — Vey I
Turnir 29-mart kuni start oladi.
