Shaxmat. Georgiy Agzamov xotirasiga bag‘ishlangan 19-xalqaro turnir yakunlandi
Toshkent yana bir bor yirik shaxmat markaziga aylandi.
16–27-mart kunlari davom etgan xalqaro turnirda dunyoning kuchli shaxmatchilari bir doskada jam bo‘lib, keskin va murosasiz bahslar olib bordilar.
Open-A yo‘nalishi g‘oliblari:
1-o'rin. Haik Martirosyan — 10 000$
2-o'rin. Artem Uskov — 7 500$
3-o'rin. Abdimalik Abdisalimov — 6 000$
Open-B yo‘nalishi g‘oliblari:
1-o'rin. Chyngyz Sultai — 3 000$
2-o'rin. Umar Isomov — 2 500$
3-o'rin. Sardorbek Saidov — 2 000$
G‘oliblar ro‘yxatini to‘liq bu yerda ko‘rishingiz mumkin (https://telegra.ph/Asosiy-mukofot-Open-A-03-27-2)
1-o‘rin armanistonlik grossmeyster 🇦🇲Haik Martirosyanga nasib etgan bo‘lsa-da, turnir o‘zbekistonlik shaxmatchilar uchun ham nihoyatda muvaffaqiyatli o‘tdi.
Tarixiy natija!
16 yoshli Muhammadzohid Suyarov ushbu turnirda grossmeyster normasini bajarib, 2500 reyting marrasini zabt etdi va rasman O‘zbekistonning 31-grossmeysteriga aylandi. Ushbu yutuq aynan mamlakatimizning ilk grossmeysteri Georgiy Agzamov xotirasiga bag‘ishlangan turnirda qo‘lga kiritilgani esa alohida ramziy ahamiyatga ega.
Yorqin o‘yinlar va kuchli natijalar:
— Sevimli strimerlarimizdan IM Ulug‘bek Tillayev ajoyib o‘yin ko‘rsatib, +46.5 reyting qo‘shdi
— IM Bahrom Bahrillayev, GM Ortiq Nigmatov va IM Humoyun Begmuratov ham yuqori darajadagi bahslar bilan ajralib turishdi
— GM Abdimalik Abdisalimov esa turnir so‘ngigacha chempionlik uchun kurash olib bordi va so‘nggi turda Suyarov bilan durang o‘ynab, 3-o‘rinni egalladi
Shuningdek, yuqori natija qayd etgan shaxmatchilarga Uzchess Premium obunalari sovg‘a qilindi.
