Shaxmat. Esports World Cup 2026: Saralash musobaqasi qanday tartibda o‘tkaziladi?
Esports World Cup 2026: Saralash musobaqasi qanday tartibda o‘tkaziladi?
1. Guruh bosqichi (Shveysarcha tizim): Ishtirokchilar 4 ta guruhga (A, B, C, D) bo‘lingan holda 7 ta tur davomida bahslashishadi. Har bir partiyada shaxmatchilarga 10 daqiqadan vaqt beriladi. Yakunda har bir guruhdan eng ko‘p ochko jamg‘argan 4 nafar shaxmatchi pley-offga chiqadi. Bunda 1-o‘rin egalari g‘oliblar yo'lagiga, 2-o‘rin egalari esa mag‘lublar yo'lagiga joylashadi.
2. Saralash pley-offi (Nokaut bosqichi): Guruhlardan saralangan 16 nafar kuchli shaxmatchi o'rtasida o'tkaziladi. Bir marta mag‘lub bo‘lgan shaxmatchi musobaqadan chiqib ketmaydi, balki quyi yo'lakda o‘z yurishini davom ettirishi mumkin. Pley-off yakunida eng kuchli 4 nafar shaxmatchi to‘g‘ridan-to‘g‘ri EWC Chess Finals Play-In bosqichiga yo‘l oladi. 5 va 6-o‘rinni egallaganlar o‘rtasidagi qo‘shimcha uchrashuv esa so‘nggi, 5-yo‘llanma sohibini aniqlab beradi.
3. Play-In bosqichi: Play-In bosqichida jami 8 nafar shaxmatchi (5 nafari Last Chance Qualifier saralashidan hamda 3 nafari DreamHack Atlanta turniridan) dona suradi. Ular 10+0 vaqt nazoratida o'yin o‘tkazishadi. Play-In bosqichining eng kuchli 2 nafar shaxmatchisi Esports World Cup turnirining 16 kishilik asosiy guruh bosqichiga rasman yo‘l oladi!
