Sharqiy va Janubiy-Sharqiy Osiyo mamlakatlari uchun birinchi Kongress o‘tkazildi
2025 yil 29 sentyabr kuni Xitoy Taypeining Yangi Taypei shahrida Sharqiy va Janubiy-Sharqiy Osiyo mamlakatlari kurash federatsiyalari uchun ilk Kongress bo‘lib o‘tdi.
Yig‘ilishni IKA Bosh kotibi Muhammad Reza Nassiri ochib berdi. U o‘z nutqida mazkur ikki mintaqa bilan hamkorlik aloqalarini mustahkamlash muhimligini ta’kidlab, bu jarayon nafaqat kurash sportida yangi imkoniyatlar ochishini, balki davlatlar o‘rtasida do‘stona munosabatlarni rivojlantirishga ham xizmat qilishini qayd etdi.
Kongress kun tartibi doirasida chempionat tashkilotchilik masalalari va texnik tafsilotlar muhokama qilindi.
1 oktyabr kuni erkaklar barcha vazn toifalarida kuch sinashlari rejalashtirilgan.
Turnirning ochilish marosimiga Taypey shahri meri hamda Xitoy Taypey Milliy Olimpiya qo‘mitasi prezidenti tashrif buyurishi kutilmoqda.
