Shahnoza Mirziyoyeva Xalqaro Paralimpiya qo‘mitasi tomonidan e’tirof etildi
Xalqaro Paralimpiya qo‘mitasi tomonidan 8-mart — Xalqaro xotin-qizlar kuni munosabati bilan Paralimpiya harakati rivojiga munosib hissa qo‘shib kelayotgan uch nafar ayol mutaxassis alohida e’tirof etildi. Quvonarlisi, ushbu e’tirofga sazovor bo‘lganlar qatoridan O‘zbekiston Respublikasi Prezidenti huzuridagi Ijtimoiy himoya milliy agentligi direktorining birinchi o‘rinbosari, O‘zbekiston Milliy Paralimpiya qo‘mitasi raisining birinchi o‘rinbosari Shahnoza Mirziyoyeva ham o‘rin oldi.
Mazkur e’tirof Shahnoza Mirziyoyevaning mamlakatimizda Paralimpiya harakatini rivojlantirish, nogironligi bo‘lgan sportchilarni qo‘llab-quvvatlash hamda inklyuziv sport muhitini kengaytirish borasida olib borayotgan samarali faoliyatining xalqaro miqyosda ham yuqori baholanayotganini yana bir bor tasdiqlaydi.
