Shahnoza Mirziyoyeva World Aquatics rahbariyatiga saylandi
Singapurda suv sporti turlari bo‘yicha jahon chempionati doirasida Butunjahon suzish federatsiyasi (World Aquatics)ning navbatdagi Kongressi bo‘lib o‘tdi. Unda tashkilot faoliyatini yanada samarali tashkil etish, boshqaruv tizimini takomillashtirish hamda suv sportining global taraqqiyotiga doir masalalar muhokama qilindi.
Kun tartibidagi muhim qarorlardan biri — World Aquatics Ijroiya qo‘mitasi byurosining yangilangan tarkibini shakllantirish bo‘ldi. Mamnuniyat bilan qayd etish mumkinki, O‘zbekiston Milliy paralimpiya qo‘mitasi va Ijtimoiy himoya milliy agentligi raisi birinchi o‘rinbosari Shahnoza Mirziyoyeva mazkur nufuzli tuzilmaning a’zosi etib saylandi.
Bu qaror nafaqat yurtimiz mutaxassislari xalqaro sport tashkilotlaridagi o‘rnini mustahkamlaydi, balki mamlakatimizda suv sporti infratuzilmasini rivojlantirish va yosh avlod o‘rtasida uni keng targ‘ib etishda muhim omilga aylanadi.
