Samarqandlik og‘ir atletikachilar xalqaro turnirda munosib ishtirok etdi
Joriy yilning 5–6-iyun kunlari Tojikiston Respublikasining Dushanbe shahrida taniqli sport arbobi Sangov Dadaxon xotirasiga bag‘ishlangan xalqaro turnir bo‘lib o‘tdi.
Nufuzli musobaqada Samarqand viloyati terma jamoasi sportchilari ham ishtirok etib, yurtimiz sharafini munosib himoya qildilar. Akobir Usmonov va Shokir Asadov murabbiyligida bahslarda qatnashgan sportchilar yuqori natijalarni qayd etib, bir qator medal va sovrinlarni qo‘lga kiritdilar.
Xususan, Sanjar Abdurashidov hamda Mamurjon Bekmurodov oltin medal sohibiga aylangan bo‘lsa, Behruz Bozorov, Shahboz Azizov, Navro‘zjon Narzullayev, Elnur Qurbonov va Faxriddin Yesergapov kumush medalni qo‘lga kiritdi. Shuningdek, Otabek Shukrullayev bronza medal bilan taqdirlandi. Shohjahon Omonov esa musobaqani 5-o‘rinda yakunladi.
Jamoaviy bahslarda mezbon Tojikiston terma jamoasi birinchi o‘rinni egallagan bo‘lsa, O‘zbekiston terma jamoasi ikkinchi, Qirg‘iz Respublikasi vakillari esa uchinchi o‘rinni qo‘lga kiritdi.
G‘olib va sovrindor sportchilar hamda ularning murabbiylarini erishilgan natijalar bilan tabriklaymiz va kelgusi musobaqalarda ularga yanada ulkan zafarlar tilaymiz.