Samarqandda “Maktabgacha va maktab ta’limi vaziri kubogi” musobaqasining viloyat bosqichi g‘oliblari taqdirlandi
Samarqand shahridagi 2-son sport maktabida o‘quvchi qizlar o‘rtasida futbol bo‘yicha “Maktabgacha va maktab ta’limi vaziri kubogi” musobaqasining viloyat bosqichi yakunlandi.
Tantanali taqdirlash marosimida viloyat sport boshqarmasi boshlig'i J.Nurmanov, viloyat futbol assotsiatsiyasi, viloyat maktabgacha va maktab ta'limi boshqarmasi mas’ullari, g‘oliblikni qo‘lga kiritgan jamoalar, murabbiylar ishtirok etishdi.
Yakuniy natijalar quyidagicha:
1-o‘rin — Ishtixon tumani 74-maktab jamoasi
2-o‘rin — Paxtachi tumani 46-maktab jamoasi
3-o‘rin — Jomboy tumani 8-maktab jamoasi
Taʼkidlash kerakki, bu yil ilk bor tashkil etilayotgan mazkur musobaqa o‘quvchi qizlar o‘rtasida futbolni ommalashtirish, sog‘lom turmush tarzini targ‘ib qilishga qaratilgani bilan ahamiyatlidir.
Musobaqaning mazkur viloyat bosqichida birinchilikni qo‘lga kiritgan jamoa keyingi — Respublika bosqichida viloyat sharafini himoya qiladi.
