Respublikada ot sportini rivojlantirish masalalari muhokama qilindi
O‘zbekiston Respublikasi Milliy gvardiyasi Ot sporti bo‘yicha Respublika oliy sport mahorati maktabida trenerlar kengashining navbatdagi yig‘ilishi bo‘lib o‘tdi.
Yig‘ilish davomida mamlakatimizda ot sportini yanada rivojlantirish, sportchilar tayyorgarligi samaradorligini oshirish, musobaqalar taqvimini takomillashtirish hamda xalqaro maydonlarda yuqori natijalarga erishish masalalari muhokama qilindi.
Shuningdek, sportchilarni saralash va tayyorlash tizimini takomillashtirish, yosh iste’dodlarni qo‘llab-quvvatlash, trenerlar faoliyatini yanada samarali tashkil etish yuzasidan fikr-mulohazalar bildirildi.
Yig‘ilishda trenerlar oldiga sportchilar hamda sport otlarini respublika va xalqaro musobaqalarga puxta tayyorlash, ularning sport natijalarini yanada yaxshilash bo‘yicha aniq vazifalar qo‘yildi.
Tadbir yakunida kun tartibidagi masalalar bo‘yicha tegishli vazifalar belgilab olinib, ot sportini rivojlantirishga qaratilgan istiqboldagi rejalar muhokama qilindi.
