Rayan Garsiya mag‘lubiyatdan so‘ng murojaat qildi: Juda qayg‘udaman, lekin minnatdorman
Yengil vazn toifasida WBC versiyasi bo‘yicha sobiq vaqtinchalik jahon chempioni Rayan Garsiya 3-may kuni Nyu-Yorkda bo‘lib o‘tgan Fatal Fury turnirining markaziy jangidagi mag‘lubiyatidan so‘ng bayonot berdi.
U WBA versiyasi bo‘yicha yarim o‘rta vazndagi jahon chempionligi uchun bo‘lgan to‘qnashuvda Rolando Romeroga ochkolar bo‘yicha yutqazdi. Jang to‘liq 12 raund davom etdi, ikkinchi raundda esa Garsiya nokdaunga tushdi.
Jangdan keyin u ijtimoiy tarmoqlar orqali muxlislariga murojaat qildi:
«Natijadan qat’i nazar, hamma narsa uchun Xudoga shukr qilaman. Bugun g‘alaba qila olmadim. Juda xunuk va og‘ir holatdaman, chunki bu maqsad uchun borimni berdim. Bilasizlar, o‘tgan yili men juda og‘ir davrni boshimdan o‘tkazdim. Ko‘pchilik bundaydan keyin ringga qayta olmasdi. Shuning uchun qaytishimning o‘zi ham bir g‘alaba. Rollini tabriklayman — u yaxshi inson va katta qalb sohibi. Unga faqat yaxshilik tilayman», — deb yozdi Garsiya.
