Rasmiylar “Dukent”da yigʻin oʻtkazayotgan para sportchilarning sharoitlarini oʻrganishdi

Sport vazirligi va Milliy olimpiya qoʻmitasi rahbariyatining Angren shahriga amalga oshirgan ishchi tashrifi davomida mahalliy sport infratuzilmasi, jumladan, “Dukent” sport bazasidagi shart-sharoitlar oʻrganildi.

Mazkur baza bugungi kunda para sport turlari boʻyicha Oʻzbekiston terma jamoalarining markaziy tayyorgarlik nuqtasiga aylangan. Hozirda bu yerda 100 nafarga yaqin sportchi oʻquv-mashgʻulot yigʻinlarini olib bormoqda.

Tashrif davomida rasmiylar sportchilarning kunlik mashgʻulot jarayoni, ular uchun yaratilgan tibbiy va yashash shart-sharoitlari, hamda zamonaviy inventar bilan taʼminlanish holatini atroflicha oʻrganishdi. Shuningdek, murabbiylar va sportchilar bilan muloqotda boʻlib, ularning fikr-mulohazalari eshitildi.

Nasrullo Karimov

Jurnalist

0 0 0 0 0 0