Rasman: Rinat Faxretdinov UFC roʻyxatidan oʻchirildi
Yarim o‘rta vazn toifasida jang qiladigan 34 yoshli rossiyalik UFC jangchisi Rinat Faxretdinov UFC ro‘yxatidan chiqarildi.
Promoushen sportchi bilan shartnomani uzaytirmaslikka qaror qildi, holbuki uning statistikalari ijobiy bo‘lib qolmoqda.
Faxretdinov UFC doirasida o‘tkazgan yetti jangining oltitasida g‘alaba qozongan, yana bir bahs durang bilan yakunlangan edi. Umuman olganda, MMA’dagi professional faoliyati davomida Rinat Faxretdinov 26 ta jang o‘tkazib, 24 g‘alaba, bitta durang va bitta mag‘lubiyat qayd etgan.
So‘nggi uch jangining barchasi UFC’da bo‘lib o‘tgan va ularning barchasida rossiyalik sportchi g‘alaba qozongan. Eng so‘nggi jang 2025 yil sentabr oyida bo‘lib, Faxretdinov shvetsiyalik Andreas Gustafssonni birinchi raundda nokautga uchratgan edi.
