Qozog‘istonda legioner sportchilarga davlat mablag‘lari sarflanmaydi

Boshqa sport turlari 24 iyn 2025 da 01:05

Bakradze Iman

Redaktor

Qozog‘istonda jismoniy tarbiya va sport sohasini tubdan isloh qilish doirasida muhim yangilik joriy etildi. Mamlakat Turizm va sport vazirligi xabariga ko‘ra, Prezident Qosim-Jomart Toqayev tomonidan 2025 yil 15-aprel kuni imzolangan va 16-iyun kuni kuchga kirgan yangi qonunga asosan, davlat byudjeti hisobidan chet ellik sportchilarning maoshi va ta’minotini moliyalashtirish taqiqlanadi.

Mazkur hujjat milliy sport salohiyatini oshirish, mahalliy sportchilarni qo‘llab-quvvatlash va davlat mablag‘laridan samarali foydalanish maqsadida ishlab chiqilgan.

Shuningdek, qonunda professional sport klublarini davlat tomonidan moliyalashtirishga ham cheklovlar kiritildi. Buning maqsadi — byudjet xarajatlarini shaffoflashtirish, klublarni xususiy va boshqa byudjetdan tashqari manbalar orqali rivojlantirishga undash, shu orqali ularning davlatga bog‘liqligini kamaytirishdir.

Qonun Qozog‘istonda sport tizimini yanada mustaqil, samarali va milliy manfaatlarga mos holda tashkil etishga xizmat qiladi.