Qoraqalpog‘istonda \"Yangi O‘zbekiston olimpiya cho‘qqilari\" musobaqasi tashkil etildi
Davlatimiz rahbari tashabbusi bilan respublikamiz bo‘ylab tashkil etilayotgan "Yangi O‘zbekiston olimpiya cho‘qqilari" sport musobaqalari Qoraqalpog‘istonda ham o‘tkazildi.
Qo‘ng‘irot tumanida dzyudo bo‘yicha birinchi hududiy bosqichining ochilish marosimi bo‘lib o‘tdi. Unda Qo‘ng‘irot tumani hokimi o‘rinbosari A.Mamutov, O‘zbekiston milliy Olimpiya qo‘mitasi Qoraqalpog‘iston Respublikasi bo‘limi ijrochi direktori Sh.Aytbayev so‘zga chiqib, sportchilarga omad tiladi.
Mo‘ynoq, Qonliko‘l, Shumanay va Qo‘ng‘irot tumanlaridan kelgan 130 nafarga yaqin sportchi bir nechta vazn toifasida medallar hamda keyingi bosqich yo‘llanmasi uchun bahs olib bordi.
Bu o`tkazilayotgan musobaqalar bolalarning ta`til kunlari ularga katta bayram bo`lyapti. Murabbiylar uchun esa seleksiya vazifasini bajarib bermoqda.