Qo'l to'pi. Toshkentda bo'lib o'tadigan osiyo chempionati ishtirokchilari ma'lum
Osiyo qo'l to'pi federatsiyasi (AHF) joriy yili qit’a miqyosida o‘tkaziladigan musobaqalardan birini mamlakatimizda o‘tkazish to‘g‘risida qaror qabul qilgan.
Unga ko‘ra, joriy yilning 20-29 avgust kunlari Toshkent shahrida U-20 qizlar jamoalari o‘rtasida XVIII-Osiyo chempionati tashkil etiladi.
Mazkur musobaqada 10 ta jamoa qit’a chempionligi uchun o‘zaro bahs yuritadi.
Hozircha, bu ro‘yxatdan O‘zbekistan, Eron, Janubiy Koreya, Qozog‘iston, Xitoy, Yaponiya, Hindiston, Xitoy Taypeyi, Gonkong va Qirg‘izston terma jamoalari o‘rin olgan. O‘zgarishlar haqida qo‘shimcha ma’lumotlar berib boriladi.
Shu o‘rinda aytish lozim, Osiyo chempionati yakuni bo‘yicha eng kuchli to‘rt jamoa 2026 yili bo‘lib o‘tadigan XXV-jahon chempionati yo‘llanmasini qo‘lga kiritadi.
