Qo‘l jangi bo‘yicha viloyat federatsiyasi raisi kubogi musobaqasi bo‘lib o‘tdi
Bugun Namangan shahridagi “Barkamol avlod” sport majmuasining Qo‘l jangi markazida 14-yanvar — “Vatan himoyachilari kuni” munosabati bilan sportning qo‘l jangi turi bo‘yicha huquqni muhofaza qiluvchi organlar o‘rtasida O‘zbekiston Respublikasi huquqni muhofaza qiluvchi organlar qo‘l jangi Namangan viloyat federatsiyasi raisi kubogi uchun musobaqa tashkil etildi.
Musobaqada huquqni muhofaza qiluvchi organlar xodimlari 8 ta vazn toifasida o‘zaro kuch sinashmoqda. Tadbirning asosiy maqsadi xodimlar o‘rtasida sog‘lom turmush tarzini targ‘ib qilish, jismoniy va ruhiy tayyorgarlikni yuksaltirish, vatanparvarlik tuyg‘ularini mustahkamlash, qo‘l jangi sport turini ommalashtirishdan iboratdir.
Musobaqa yuqori saviyada, qizg‘in bellashuvlar va murosasiz bahslar ruhida o‘tmoqda.
