Qilichbozlik. Toshkent yana bir bor xalqaro qilichbozlik markaziga aylanmoqda
2025-yil 13-16 noyabr kunlari O‘zbekiston poytaxti qilichbozlikning sablya yo’nalishi bo‘yicha kadetlar va yoshlar o‘rtasida FIE Jahon kubogi musobaqasiga mezbonlik qiladi.
Ushbu nufuzli xalqaro turnir,dunyoning eng kuchli yosh qilichbozlarini birlashtiradi.
JK bosqichida 17 mamlakat sportchilari ishtirok etishi kutilmoqda, jumladan:
Xitoy, Braziliya, Turkiya, Polsha, Argentina, Nigeriya, Isroil, Gonkong, Vengriya, Hindiston, Qozog‘iston, Koreya, Serbiya, Chexiya Respublikasi, Germaniya, Rossiya (FIE bayrog‘i ostida qatnashadi) va O‘zbekiston.
Hozirgi kungacha jahonning 280dan ortiq qilichbozlari ishtiroki tasdiqlandi:
Kadetlar (qizlar): 48 nafardan ortiq sportchilar;
Kadetlar (o‘g‘il bolalar): 53 sportchi.
Yoshlar (qizlar): 89 sportchi
Yoshlar (o‘g‘il bolalar): 99 sportchi.
Shu kunlarda qilichbozlik sporti muhlislari uchun “Ochiq eshiklar kunlari” ham tashkil etilgan. Barchani qiziqarli tadbir va JK musobaqasiga taklif etamiz!
