Poytaxtimiz ilk bor hakamlar uchun qit’aviy seminarga mezbonlik qilmoqa
Toshkentda ilk bor Xalqaro dzyudo federatsiyasi (IJF) shafe’ligida hakamlar uchun qit’aviy seminar (Tashkent IJF Continental Category Examination & Seminar) boshlandi.
23 mayga qadar davom etadigan ushbu xalqaro seminarda AQSH, Buyuk Britaniya, Hindiston, Yaponiya, Qozog‘iston, Qirg‘iz Respublikasi, Tojikiston, Turkmaniston, Xitoy, Kuvayt singari 12 davlatdan kelgan jami 30 nafar hakam qatnashyapti. Ular orasida bizning referilar ham bor.
Seminar va imtihonlarni IJF rasmiylari Armen Bagdasarov, Daniel Laskau va Frank-Yoxem Dyotch o‘tkazishadi. Reja bo‘yicha bugun va ertaga seminar, 21 may kuni yozma imtihon bo‘lib o‘tadi. 22-23 may kunlari esa hakamlar Uchqun Murodov xotirasiga bag‘ishlab o‘tkazilayotgan Tashkent Junior Asian Cup turnirida amaliy imtihondan o‘tishadi.
