Para qilichbozlarimizdan tarixiy natija! Sattelit turnirida 7 ta medal jamg‘arildi

15 ta mamlakatdan 60 nafar sportchi ishtirok etdi.

Boshqa sport turlari Bugun da 08:47

Roziqjon Sultonmurodov

Jurnalist

19-22-iyun kunlari davomida Turkiyaning Mersin shahri para qilichbozlik bo‘yicha xalqaro Sattelit turniri tashkil etildi.

15 ta mamlakatdan 60 nafar sportchi ishtirok etgan mazkur turnirda terma jamoamiz a’zolari 2 ta oltin va 5 ta bronza medallariga sazovor bo‘lishdi.

Oltin:

Rasulla Jusipbayev (B toifasidagi sablya va shpaga dasturlarida).

Bronza:

Muhriddin Islomov (B toifasidagi rapira va shpaga dasturlarida)
Mehribon Jalgasova (A toifasidagi sablya va shpaga dasturlarida)
Gulzora Rahmonova (A toifasidagi shpaga dasturida).

Mazkur natija orqali para qilichbozlarimiz musobaqani umumjamoa hisobida Xitoy va mezbon Turkiyadan so‘ng uchinchi o‘rinda yakunlashdi.