Para pauerlifting. Jahon chempionatini 1 ta oltin, 5 ta kumush va 3 ta bronza medali bilan yakunlashdi.
Misrning Qohira shahrida sakkiz kun davom etgan para pauerlifting bo‘yicha kattalar o‘rtasidagi dunyo birinchiligi yakunlandi.
Unda ishtirok etgan hamyurtlarimiz musobaqaning so‘nggi kunida yana 2 ta medalga ega chiqishdi. Jamoaviy bellashuvlar tashkil etilgan kechagi kun davomida vakillarimiz ayollar o‘rtasidagi bahslarda hamda aralash jamoaviy dasturda kumush medallarni qo'lga kiritishdi.
Shu tariqa, terma jamoamiz Jahon chempionatini 1 ta oltin, 5 ta kumush va 3 ta bronza medali bilan yakunlashdi. Quvonarlisi, ilk bor o’zbekistonlik ayol sportchi para pauerlifting bo’yicha dunyo birinchiligida tengsiz bo’ldi.
G'olib va sovrindorlarimiz:
Oltin:
1. Muslima Nuriddinova (61 kg).
Kumush:
2ta kumush. Bekzod Jamilov (80 kg)
Kumush. Qudratoy Toshpo'latova (67 kg)
Kumush. Ayollar o'rtasida jamoaviy dasturda (Aqidaxon Axtamova, Nasiba Toshpo’latova, Ruxshona O’ktamova)
Kumush. Aralash jamoaviy dasturda (Bekzod Jamilov, Muslima Nuriddinova, Xusniddin Usmonov).
Bronza:
2 ta bronza. Nasiba Toshpo'latova (45 kg)
Bronza. Ruxshona O'ktamova (67 kg).
Ta'kidlash joiz, mazkur musobaqada yurtdoshlarimiz para pauerlifting bo'yicha Jahon chempionatlaridagi eng yaxshi natijalarini yaxshilashdi.
