Para dzyudochilarimiz San-Paulo Gran-prisini kuchli beshlikda yakunlashdi

Braziliyaning San-Paulo shahrida para dzyudo bo‘yicha IBSA xalqaro Gran-pri turniri nihoyasiga yetdi. 29 mamlakatdan 150 nafarga yaqin sportchilar ishtirok etgan mazkur turnirda O‘zbekiston milliy terma jamoasi a’zolari 1 ta oltin, 3 ta kumush va 4 ta bronza medallariga ega chiqishdi.

Musobaqaning ikkinchi kunida Mohinur Parmonova kumush medalni qo‘lga kiritgan bo‘lsa, Turg‘un Abdiyev, Dovurxon Karomatov hamda Uljon Amriyeva shohsupaning uchinchi pog‘onasidan joy olishdi.

Kumush:

Mohinur Parmonova (J2, +70 kg).

Bronza:

Turg‘un Abdiyev (J1, 95 kg)
Dovurxon Karomatov (J2, 95 kg)
Uljon Amriyeva (J1, 60 kg).

Shu tariqa, vakillarimiz San-Paulo xalqaro Gran-prisini umumjamoa hisobida to‘rtinchi o‘rinda nihoyasiga yetkazishdi.

Roziqjon Sultonmurodov

Jurnalist