O‘zbekistonlik parataekvondochilar xalqaro musobaqada e’tirofga sazovor bo‘lishdi

Boshqa sport turlari 01 may 2025 da 05:28

Bakradze Iman

Redaktor

Xitoyning Taian shahrida 30 mamlakatdan 200 dan ziyod sportchi ishtirok etgan xalqaro parataekvondo musobaqasi — Xalqaro taekvondo federatsiyasi prezidenti Kubogi bo‘lib o‘tdi. O‘zbekiston terma jamoasi ushbu nufuzli bellashuvda muvaffaqiyatli ishtirok etib, jamoaviy hisobda birinchi o‘rinni egalladi va jami 8 ta medal — 3 ta oltin, 2 ta kumush va 3 ta bronza medalini qo‘lga kiritdi.

Bundan tashqari, o‘zbekistonlik sportchilar va murabbiylar yakka tartibda ham qator nufuzli nominatsiyalar bo‘yicha e’tirof etildi.
Mukofotlanganlar:
Eng yaxshi murabbiy — Bobur Quziev
Eng yaxshi erkak sportchi — Qudrat Muhammadiev
Eng yaxshi ayol sportchi — Karomat Rustamova
Eng yaxshi yosh sportchi — Qizlarkhon Isomiddinova

Bu natijalar O‘zbekiston parataekvondosi xalqaro maydonda tobora nufuz qozonayotganini yana bir bor tasdiqladi.