O'zbekistonlik dzyudochilar Junior European Cup 2025 musobaqasini 9 ta medal bilan yakunlashdi
Vengriyaning Paksh shahrida yoshlar o'rtasidagi nufuzli Paks Junior European Cup 2025 turniri bo'lib o'tdi. Ikki kunlik bellashuvlar yakuniga ko'ra, O'zbekiston terma jamoasi jami 1 ta oltin, 5 ta kumush va 3 ta bronza medalni qo'lga kiritdi.
Medallar soni bo'yicha yurtimiz jamoasi 38 davlat ishtirok etgan musobaqada kuchli beshlikdan joy oldi. Yoshlar terma jamoasi xalqaro arenada yana bir bor o'z salohiyati va barqaror natijasini namoyish etdi.
Junior European Cup 2025 g'olib va sovrindorlari:
Oltin:
–66 kg: Dilshodbek Hamroev
Kumush:
–48 kg: Sevinch Murodova
–70 kg: Khurshida Razzokberdiyeva
–81 kg: Samariddin Muhibiddinov
+78 kg: Umida Nigmatova
+100 kg: Fazliddin Rafiqov
Bronza:
–57 kg: Rayhona Mamatova
–60 kg: Asadbek Misirov
–73 kg: Mukhriddin Ma'rufov
