O‘zbekiston va Qozog‘iston futzal terma jamoalari o‘rtoqlik uchrashuvi o‘tkazadi
O‘zbekiston va Qozog‘iston milliy futzal terma jamoalari yaqin oylarda o‘rtoqlik uchrashuvi o‘tkazishni rejalashtirmoqda. Bu haqda Sports24.kz nashri xabar berdi. Bellashuvni Toshkent shahrida, o‘zbek tomoni taklifi asosida o‘tkazish ehtimoli yuqori.
Ushbu uchrashuv har ikki jamoa uchun jahon chempionati saralash bosqichi va Osiyo chempionatining hal qiluvchi bosqichiga tayyorgarlik jarayonida muhim sinov vazifasini o‘taydi.
Hozircha o‘yin sanasi va formati kelishuv bosqichida, biroq har ikki federatsiya uni amalga oshirishdan manfaatdor. Bellashuv muxlislar o‘rtasida katta qiziqish uyg‘otishi kutilmoqda, chunki Qozog‘iston va O‘zbekiston futzalda Osiyoning yetakchi jamoalari qatoriga kiradi.
Eslatib o‘tamiz, so‘nggi futzal bo‘yicha jahon chempionati O‘zbekistonda bo‘lib o‘tgan edi. Unda Qozog‘iston terma jamoasi bosh murabbiy Rikardo Kaka qo‘l ostida chorak finalgacha yetib borgan, ammo bu bosqichda kelajak finalchi — Argentinga 1:6 hisobida mag‘lub bo‘lgan. O‘zbekiston terma jamoasi esa guruh bosqichini oxirgi o‘rinda yakunlab, musobaqani erta tark etgan. Ular Niderlandiya, Kosta-Rika va Paragvay terma jamoalari bilan bir guruhda ishtirok etgan edi.
