O‘zbekiston va Indoneziya dzyudo federatsiyalari o‘rtasida Memorandum imzolandi
Ikki mamlakat dzyudo federatsiyalari o‘zaro ikki tomon uchun ham manfaatli keng qamrovdagi hamkorlik rishtalarini bog‘lashdi.
Memorandum imzolash marosimida O‘zbekiston dzyudo federatsiyasi raisi Azizjon Kamilov hamda Indoneziya Quruqlik qo‘shinlari shtab boshlig‘i (Chief of Staff of the Indonesian Army), general, mamlakat dzyudo federatsiyasi prezidenti Maruli Simandjuntak ishtirok etdi.
Memorandum o‘z ichiga ikki mamlakatning turli yosh toifasidagi terma jamoalari qo‘shma o‘quv-mashg‘ulot yig‘inlari o‘tkazish, murabbiylar va hakamlar uchun seminarlar tashkil etish kabi bir nechta yo‘nalishlarni oladi.
Memorandumning imzolanishi sport sohasidagi xalqaro hamkorlikni kengaytirishda muhim qadam bo‘lib, dzyudoni yanada rivojlantirish, Osiyo va jahon maydonlarida har ikki mamlakatning mavqeini mustahkamlash uchun yangi imkoniyat eshiklarini ochadi.
