Pahlavon Mahmud Markaziy Osiyo turniriga bag‘ishlangan konferentsiya bo‘lib o‘tdi
Urganch shahridagi “Yoshlik” sport kompleksida tashkil etilgan konferentsiyada Xalqaro Kurash assotsiatsiyasi, O‘zbekiston, Tojikiston, Qirg‘iziston, Turkmaniston Kurash federatsiyalari rasmiylari hamda Xorazm viloyati Prokuraturasi, turnir tashkiliy qo‘mitasi a’zolari va OAV vakillari ishtirok etishdi.
Yig‘ilishda so‘zga chiqqan O‘zbekiston Kurash federatsiyasi Raisi o‘rinbosari Uyg‘un Umarov barcha ishtirokchilari Kurash vataniga tashrifi bilan qutladi.Turnir ahamiyati va o‘tkazilish Dasturi haqida o‘z fikr mulohazalari bildirib o‘tdi.
Turnir Dasturiga ko‘ra ertaga 18 aprel kuni “Yoshlik” sport majmuasida kurash bahslari bo‘lib o‘tadi. 19 aprel kuni esa Xiva shahrida Pahlavon Mahmud muzeyida Kurash bo‘yicha ko‘rgazmali chiqishlar va seminar o‘tkazilishi rejalashtirilgan.
