O‘zbekiston terma jamoasi Jahon yozgi Universiadasida ishtirok etadi
16–27 iyul kunlari Germaniyaning Reyn-Rur mintaqasida talabalar o‘rtasidagi eng yirik xalqaro sport musobaqasi — Jahon yozgi Universiada-2025 bo‘lib o‘tadi. Unda O‘zbekiston delegatsiyasi 11 sport turida ishtirok etadi, jumladan, dzyudo bo‘yicha ham.
Dzyudo jamoasiga yurtimiz OTMlarida tahsil olayotgan va xalqaro musobaqalarda o‘z salohiyatini namoyon etib kelayotgan iqtidorli sportchilar jalb etilgan.
Bu yilgi Universiadada dzyudo bo‘yicha bir qancha yangiliklar bor. An’anaviy 7 ta vazn toifasi o‘rniga, har ikki jins vakili uchun 6 tadan medal jamlanmasi belgilandi. Erkaklar o‘rtasidagi -66 kg va ayollar o‘rtasidagi -63 kg vazn toifalari musobaqa dasturidan chiqarilgan.
O‘zbekiston dzyudo terma jamoasi tarkibi:
Erkaklar:
-60 kg: Anvarjon Ibrohimov
-73 kg: Mardon Ravshanov
-81 kg: Nodirbek Mavlonberdiyev
-90 kg: Nurbek Murtazoyev
-100 kg: MuhammadSodiq Sodiqov
+100 kg: Islombek Ravshanqulov
Ayollar:
-48 kg: Laziza Haydarova
-52 kg: Sug‘diyona Rafqatova
-57 kg: Shukurzhan Aminova
-70 kg: Shirinjon Yuldosheva
-78 kg: Marjona Qochimova
+78 kg: Irishon Qurbonboeva
Jamoaga Abdukarim Tangriev, Ulug‘bek Azizov va Aziz Toshmatov rahbarlik qiladi.
