O‘zbekiston taekvondo jamoasi Jahon kubogida oltin medalni qo‘lga kiritdi
Koreya Respublikasining Chuncheon shahrida o‘tayotgan “Jahon kubogi jamoaviy chempionatlar seriyasi” doirasidagi musobaqada O‘zbekiston taekvondochilari yana bir muhim yutug‘a erishishdi. Bugun, 9 iyul kuni tashkil etilgan aralash jamoaviy bellashuvlarda terma jamoamiz barcha bosqichlarda ustunlikni qo‘lga kiritib, oltin medalga sazovor bo‘ldi.
O‘zbekiston jamoasi ilk bosqichda Qozog‘istonni 2:1 hisobida mag‘lub etdi. Yarim finalda mezbon Koreya Respublikasini 2:0 hisobida ortda qoldirdi. Final uchrashuvida esa marokashlik taekvondochilarni ham 2:0 hisobida yengib, musobaqa g‘olibligiga erishdi.
Jamoamiz tarkibida quyidagi sportchilar yurtdoshlarimiz sharafini himoya qildi:
• Islombek Rajabov (–68 kg)
• Shuhrat Salaev (–87 kg)
• Madina Mirabzalova (–57 kg)
• Diyora Azizova (–62 kg)
Endilikda terma jamoamiz navbatdagi yirik musobaqa — “World Taekwondo Diamond Games” turnirida ishtirok etadi
