Oʻzbekiston suv sporti federatsiyasi bosh kotibi Jahon suv sporti delegati bilan uchrashdi
Oʻzbekiston suv sporti federatsiyasi bosh kotibi Jahon suv sporti delegati bilan uchrashdi.
Bugun Oʻzbekiston suv sporti federatsiyasi bosh kotibi Ruslan Mustayev Olimpiya shaharchasi suv sporti saroyida Jahon suv sporti delegati Namhee Cho bilan uchrashdi. Yigʻilishda Jahon suv sporti boʻyicha mutaxassis Vadim Ahmadiev va Federatsiyaning rasmiy vakillari ham ishtirok etishdi.
Yigʻilish davomida tomonlar 8-10 oktyabr kunlari sport majmuasida boʻlib oʻtishi rejalashtirilgan FINA suzish boʻyicha Jahon kubogining ikkinchi bosqichi uchun tashkiliy masalalarni muhokama qilishdi.
Tashrif davomida Jahon suv sporti delegati Namhee Cho Suv sporti saroyi infratuzilmasini koʻzdan kechirdi, inshootning tayyorgarligini baholadi va bir qator tavsiyalar berdi hamda xalqaro musobaqalarni oʻtkazish uchun majburiy talablarni bayon qildi.
