O‘zbekiston ot sporti terma jamoa a’zolari Polshada o‘quv-mashg‘ulot yig‘inlarini o‘tkazmoqda
O‘zbekiston ot sporti terma jamoa a’zolari Polshada o‘quv-mashg‘ulot yig‘inlarini o‘tkazmoqda
Ot sportining to’siqlardan sakrash (konkur) va ot yo‘rttirish (viyezdka) yo‘nalishlari bo’yicha O‘zbekiston terma jamoa a’zolari mavsumning eng muhim xalqaro musobaqalariga tayyorgarlik doirasida Polshada o‘quv-mashg‘ulot yig‘inlarini davom ettirmoqda.
Yig‘inlar davomida sportchilar va otlar texnik hamda jismoniy tayyorgarlikni takomillashtirish, musobaqa sharoitlariga moslashish, yo‘nalishlar va dasturlarni mukammallashtirish ustida izchil ish olib bormoqda.
Mazkur o‘quv-mashg‘ulot yig‘inlarining asosiy maqsadi Germaniyaning Aaxen shahrida bo‘lib o‘tadigan Jahon chempionati, shuningdek, Yaponiyaning Aichi-Nagoya shahrida bo‘lib o‘tadigan XX Osiyo o‘yinlarida muvaffaqiyatli ishtirok etish uchun puxta tayyorgarlik ko‘rishdan iborat.
