O‘zbekiston kubogi chorak final o‘yinlari taqvimi bilan tanishing

Boshqa sport turlari 29 apr 2025 da 19:06

Ibrohim Jalolov

Kuni-kecha O‘zbekiston kubogi guruh bosqich uchrashuvlari yakuniga yetdi va pley-offning 8 ishtirokchisi nomi ma`lum bo‘ldi.

Jumladan, "A" guruhidan BMB hamda "Paxtakor", "B" guruhidan "Oil Star", Neftchi", "C" kvartetidan OKMK hamda "Surxon" va "D" guruhidan SQB hamda "Lokomotiv" jamoalari chorak final yo‘llanmasiga ega bo‘ldi.

5-may, dushanba kuni, Buxoroda mamlakat kubogi chorak final uchrashuvlari start oladi.

Qayd etish lozim, chorak final hamda yarim final bosqichida g‘olib ikki uchrashuv natijasiga ko‘ra aniqlanadi. Bunda yirikroq hisobda g‘alabaga erishgan jamoa g‘olib hisoblanadi. Agarda ikki uchrashuv natijasiga ko‘ra kuchlar teng kelsa, ya’ni bittadan g‘alaba (yoki ikkita o‘yinda ham durang) va to‘plar farqi ham bir xil bo‘lsa, ikkinchi uchrashuvning asosiy vaqti tugashi bilan penaltilar seriyasiga murojaat etiladi (FIFA futzal qoidalariga muvofiq dastavval 5 tadan zarba amalga oshiriladi. Unda ham kuchlar teng kelsa, jamoalardan birining ilk xatosigacha seriya davom etadi).