O‘zbekiston “Katta Dubulg‘a” turnirini kuchli uchlikda yakunladi
1 mart kuni Toshkentda dzyudo bo‘yicha “Katta Dubulg‘a” turniri o‘z yakuniga yetdi. Unda o‘zbekistonliklar umumjamoa hisobida 8 ta medal bilan kuchli uchlikdan joy oldi.
Musobaqaning so‘ngi kunida -100 kg vazn toifasida finalgacha yetib borgan Ernazar Sarsonboev kumush, +78 kg vazn toifasida qatnashgan Umida Nighmatova bronza, musobaqaning so‘nggi bahsida +100 kg vazn toifasida ishtirok etgan Alisher Yusupov esa kumush medal bilan taqdirlandi.
Terma jamoa safidagi yagona oltin medalni joriy yilning 27 fevral kuni bahslarda ayollar o‘rtasida -57 kg vazn toifasida ishtirok etgan Shukurjon Aminova qo‘lga kiritgan edi.
Shu tariqa, o‘zbekistonlik dzyudochilar “Katta Dubulg‘a” turnirida 1 ta oltin, 3 ta kumush va 4 ta bronza medallariga ega chiqishdi. Medallar jamg‘arishda yaponiya judochilari yetakchilik qildi. Ular turnirda 4 ta oltin, 3 ta kumush va 7 ta bronza medaliga ega chiqib, umumjamoa hisobida birinchi o‘rinni egalladi. Ozarbayjon esa 4 ta oltin, 1 ta kumush va 2 ta bronza medal bilan 2-o‘rinni egalladi.
