O‘zbekiston Davlat sport akademiyasi o‘z faoliyatini boshladi
O‘zbekiston Respublikasi Prezidentining qaroriga binoan, sport sohasida yuqori malakali mutaxassislar, yangi avlod sportchi va murabbiylarini tayyorlash, shu orqali mamlakatimizning xalqaro maydondagi yutuqlarini yanada mustahkamlash hamda ilmiy-tadqiqot ishlarini jahon standartlari asosida tashkil etish maqsadida O‘zbekiston Davlat sport akademiyasi tashkil etildi.
Akademiya 2025/2026 o‘quv yili uchun abituriyentlardan hujjat qabul qilishni boshlaydi va davlat oliy ta’lim muassasasi maqomiga ega bo‘ladi. Talabalarni qabul qilish respublikadagi boshqa oliy ta’lim muassasalaridagi kabi davlat buyurtmasi asosida amalga oshiriladi. Olimpiya va Paralimpiya sport turlari bo‘yicha tayyorlov markazlari bitiruvchilari akademiyaga to‘g‘ridan-to‘g‘ri ikkinchi bosqichga qabul qilinadi.
Batafsil ma’lumotlar O‘zbekiston Davlat sport akademiyasining rasmiy sahifalarida e’lon qilinadi.