O‘zbekiston Butunjahon yozgi Universiada o‘yinlarida 11 sport turi bo‘yicha ishtirok etadi
Joriy yilning 16–27 iyul kunlari Germaniyaning Reyn-Rur shahrida Butunjahon yozgi Universiada o‘yinlari bo‘lib o‘tadi. Mazkur nufuzli musobaqada O‘zbekiston sport delegatsiyasi ishtirok etadi.
Sport vaziri o‘rinbosari Shahriyo Mahmudov rahbarligida o‘tkazilgan yig‘ilishda musobaqaga tayyorgarlik, jumladan, sportchilarning jismoniy va ruhiy holati, tashkiliy masalalar muhokama qilindi. Unda Talabalar sport assotsiatsiyasi, shuningdek, turli federatsiya va assotsiatsiyalar mas’ullari ishtirok etdi.
Universiadada O‘zbekiston oliy ta’lim muassasalarida tahsil olayotgan sportchilar orqali quyidagi 11 sport turi bo‘yicha qatnashishi rejalashtirilgan:
• Kamondan otish
• Sport gimnastikasi
• Yengil atletika
• Suvga sakrash
• Dzyudo
• Badiiy gimnastika
• Eshkak eshish
• Suzish
• Stol tennisi
• Taekvondo (WT)
• Tennis
Ma’lumot uchun, Butunjahon yozgi Universiada o‘yinlari FISU (Butunjahon universitetlar sporti federatsiyasi) tomonidan har ikki yilda o‘tkaziladigan yirik xalqaro musobaqa hisoblanadi. O‘zbekiston delegatsiyasining birinchi guruhi 14 iyul kuni Germaniyaga jo‘nab ketishi rejalashtirilgan.
