Ot sporti. Xurshidbek Alimjanov MINI MASTERS finalida muvaffaqiyatli start oldi
Xurshidbek Alimjanov MINI MASTERS finalida muvaffaqiyatli start oldi
4–6 sentyabr kunlari Moskva shahridagi MAXIMA PARK ot sporti majmuasida ot sportining to’siqlardan sakrash (konkur) yo’nalishi bo‘yicha MINI MASTERS musobaqalar seriyasining 2026-yilgi yozgi mavsumi finali bo‘lib o‘tmoqda.
Mazkur nufuzli xalqaro musobaqada O‘zbekiston sharafini chavandoz Xurshidbek Alimjanov munosib himoya qilmoqda.
Musobaqaning birinchi kunida Xurshidbek 125 sm balandlikdagi to‘siqlardan iborat yo’nalishda ajoyib natija qayd etib, birdaniga ikki sovrinli o‘rinni egalladi:
1-o‘rin — Xurshidbek Alimjanov — Chaloina
2-o‘rin — Xurshidbek Alimjanov — Lavin
Xurshidbek Alimjanovni muvaffaqiyatli start bilan tabriklaymiz va MINI MASTERS finalining navbatdagi bahslarida omad, ishonchli chiqishlar hamda yangi g‘alabalar tilaymiz!
