Ot sporti. Sharjah FEI Group VII Final – CSI3* Grand Prix (150 sm)
Musobaqaning ikkinchi kuni — 7-fevral kuni CSI3* toifasidagi eng nufuzli yo‘nalishlardan biri — Grand Prix bahslari bo‘lib o‘tdi. Ushbu toifada to‘siqlar balandligi 150 santimetrni tashkil etdi.
Mazkur yuqori darajadagi bahslarda g‘oliblikni Germaniyaning mashhur chavandozi Christian Ahlmann 🇩🇪 qo‘lga kiritdi. U bugungi kunda dunyoning TOP-10 eng kuchli chavandozlari qatoridan joy olgan bo‘lib, agar ot sportini futbol bilan qiyoslaydigan bo‘lsak, uni bemalol “ot sportidagi Ronaldo” deb atash mumkin.
Musobaqa yakunida taqdirlash marosimini 🇺🇿O‘zbekiston yilqichilik va ot sporti federatsiyasi prezidenti Gaziyev Baxromjon Valiyevich o‘tkazdi. Ushbu marosim xalqaro sport hamjamiyatida O‘zbekiston ot sportining nufuzini yana bir bor namoyon etdi.
CSI3* Grand Prix bahslari yuqori sport mahorati, keskin raqobat va tomoshabinlar uchun unutilmas lahzalarga boy bo‘ldi.
